யமனிடம் தப்பிப்பதும் கைகூடும்

          அறத்துப்பால். குறள் இயல்: துறவறவியல். அதிகாரம்: தவம்

 

குறள் 266 முதல் 270 வரை

தவஞ்செய்வார் தங்கருமஞ் செய்வார்மற் றல்லார்

அவஞ்செய்வார் ஆசையுட் பட்டு.   குறள் # 266

தவம்செய்பவரே தன்கடமையைச் செய்பவர் மற்றவர்களோ

ஆசைவயப்பட்டு வீண்முயற்சி செய்பவரே.    பாமரன் பொருள்

சுடச்சுடரும் பொன்போல் ஒளிவிடும் துன்பஞ்

சுடச்சுட நோற்கிற் பவர்க்கு.    குறள் # 267

சுடச்சுட ஒளிவிடுகின்ற பொன்னைப்போல துன்பம்

வருத்த வருத்த தவம்செய்பவர்க்கு (ஞானம்மிகும்)   பாமரன் பொருள்

தன்னுயிர் தான்அறப் பெற்றானை ஏனைய

மன்னுயி ரெல்லாந் தொழும்.    குறள் # 268

தன்உயிர் தான்எனும் எண்ணம் நீங்கப்பெற்றவனை மற்ற

உயிர்களெல்லாம் புகழ்ந்து வணங்கும்.   பாமரன் பொருள்.

கூற்றம் குதித்தலும் கைகூடும் நோற்றலின்

ஆற்றல் தலைப்பட் டவர்க்கு.      குறள் # 269

யமனிடம் தப்பிப்பதும் கைகூடும் தவம்செய்வதால்

வரும் வலிமை பெற்றவர்க்கு.       பாமரன் பொருள்.

 

இலர்பல ராகிய காரணம் நோற்பார்

சிலர்பலர் நோலா தவர்.      குறள் # 270

ஆற்றலில்லாதவர் பலராக இருக்கக் காரணம் தவம்செய்பவர்

சிலர், பலரோ தவம்செய்யாதவர்.      பாமரன் பொருள்.